Өчигдөр буюу хоёрдугаар сарын 27-нд Улсын начин цолны хүндэтгэлийн 256 бөхийн барилдаан болсон билээ. Архангай аймгийн Цэнхэр сумын харьяат, “Алдар” спорт хороо, “Нутгийн буян” групп, “Бөхбилэгт“ дэвжээний бөх, улсын гарди М.Бадарч түрүүлж, Сэлэнгэ аймгийн Цагааннуур сумын харьяат, “Алдар” спорт хороо, “Атар трейд” ХХК, “Таван хан” дэвжээний бөх, улсын харцага Б.Орхонбаяр үзүүрлэв. Харин тус барилдааны нэгийн даваанд улсын арслан Р.Пүрэвдагва, хоёрын даваанд улсын даян аварга Н.Батсуурь нарыг давж бөх сонирхогчдын анхаарлыг татаад буй Говь-Алтай аймгийн Дэлгэр сум харьяат сумын заан Э.Дашдэмбэрэлтэй ярилцлаа.
-Та нэгийн даваанд улсын арслан Р.Пүрэвдагва, хоёрын даваанд улсын даян аварга Н.Батсуурь нарыг өвдөг шороодууллаа. Аймаг, сумын цолтой бөх улсын том цолтнуудыг давна гэдэг бас л ховор үзэгдэл шүү. Тухайн агшинд төрсөн сэтгэгдлээсээ хуваалцахгүй юу?
-Маш их баяртай байна. Учраа таараад барилдахдаа давна гэсэн төсөөлөл байсангүй.
-Нэгийн даваанд Р.Пүрэвдагва арслантай таараад яаж барилдъя гэж бодож байв. Эмээж байв уу?
-Бага зэрэг эмээсэн. Ерөнхийдөө амархан унахгүй байя гэж их хичээж барилдсан.
-Хоёрын даваанд Н.Батсуурь аваргатай учраа таарсан шүү дээ?
-Тийм. Өөрөө яваад, сайн ажиллаад л барилдъя гэж бодсон. Зогсвол аваргад унах магадлал өндөр гэж бодоод зогсолтгүй л дайрч барилдсан. Аваргыг давсандаа итгэхгүй маш их баярласан. Бөхийн өргөөн дэх үзэгчид ч шуугиад ирсэн. Их гоё мэдрэмж төрсөн шүү.
-Өөрийн тань хувьд бэлтгэл сургуулилтаа хаана хийж байна вэ?
-Бэлтгэлээ "Хантайшир" дэвжээн дээрээ хийдэг. Монгол Улсын гарьд Ж.Бат-Эрдэнэ багш дээрээ бэлтгэл сургуулилтаа хийдэг.
-Ер нь залуу бөхчүүдэд барилдааныг нь үзэж мэхийг нь сурч үлгэр жишээ авдаг бөх гэж байдаг шүү дээ. Таны хувьд ямар бөхчүүдээс үлгэр жишээ авдаг вэ?
-Улсын харцага Б.Орхонбаяр, аймгийн арслан Б.Түмэндэмбэрэл нарын барилдааныг үзэж үлгэр жишээ авдаг. Ер нь энэ цаг үедээ сайн барилдаж байгаа бөхчүүдийн барилдааныг нь сайтар ажиглаж дотроо байнга бодож явдаг даа.
-Хэзээнээс үндэсний бөхөөр хичээллэж эхлэв?
-2017 оноос анх үндэсний бөхөөр хичээллэж эхэлсэн.
-Танай удамд бөх хүн бий юу?
-Манай удамд бөхийн хүн байхгүй ээ.
-Цаашдаа хэрхэн барилдъя гэж бодож байна?
-Өөрийн үндсэн мэхнүүдээ сайн бэлдэнэ дээ. Цаашлаад бэлтгэл сургуулилтаа сайн хийж цолоо ахиулах зорилготой байна.
А. Мөнхнаран
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Холбоотой мэдээ
Монгол хэл бичгийн дахин шалгалт наймдугаар сарын 17-нд болн...
tentsver.mn | 7 цагийн өмнө
Хүүхдийн паркийн баруун жигүүрийн 10.2 га талбайн 80 хувьд н...
tentsver.mn | 7 цагийн өмнө
Чөлөөт бөхийн Азийн бүсийн тэмцээн Киргизстаны Бишкек хотноо...
tentsver.mn | 7 цагийн өмнө
Таван шарын нүхэн гарцын хөдөлгөөнийг 6 дугаар сард нээнэ
tentsver.mn | 7 цагийн өмнө
Олимпын эрх олгох чөлөөт бөхийн тэмцээн өнөөдөр эхэлнэ
tentsver.mn | 10 цагийн өмнө
Их, дээд сургуулийн босго оноог 420 болгон шинэчиллээ
tentsver.mn | 11 цагийн өмнө
Ерөнхийлөгч У.Хүрэлсүх “Өнөрбүл“ төвийн багш, ажилтнуудад тө...
tentsver.mn | 11 цагийн өмнө
“Бэлтэс Мөрөн” ХХК-ийн хэргийг тавдугаар сард шүүх хуралдаан...
tentsver.mn | 12 цагийн өмнө
Нөөцийн махны өргөтгөсөн худалдааг 25 байршилд зохион байгуу...
tentsver.mn | 13 цагийн өмнө
Сэлбэ голоос 50 орчим настай эмэгтэй хүний цогцос олджээ
tentsver.mn | 13 цагийн өмнө
Б.НЯМТАЙШИР: Баялгийн сангийн хуулийн төслийг бүхэлд нь дэмж...
tentsver.mn | 14 цагийн өмнө
Хууль, эрх зүйн зөвлөгөө үнэ төлбөргүй өгнө
tentsver.mn | 2024-04-17
Сэлбэ дэд төв дэх гэр хорооллын хөрөнгийн үнэлгээ үргэлжилж...
tentsver.mn | 2024-04-16
БНСУ-д хууль бусаар оршин суугаа гадаад иргэдийг буцаах шалг...
tentsver.mn | 2024-04-16