УИХ-ын гишүүн, МАН-ын бүлгийн дарга Д.Тогтохсүрэн болон УИХ-ын гишүүн Ж.Сүхбаатар нар ард түмний татварын мөнгөөр шатахуунаа хийлгэдэг хэр нь “таван цаас” гэж доромжлов. Тодруулбал, МАН-ын бүлгийн ээлжит хуралдаан өчигдөр болсон. Уг хурлаар энэ оны төсөвт тодотголыг хийх асуудлыг хэлэлцсэн билээ. Энэ үеэр МАН-ын бүлгийн дарга болон зарим гишүүд сэтгүүлчдийн асуултад ундуйцаж ард түмнийг доромжилсон тайлбар өгөв. Тухайлбал, УИХ дахь МАН-ын бүлгийн дарга Д.Тогтохсүрэн “УИХ-ын дарга, байнгын хорооны дарга, дэд дарга нар албаны унаа унаж байгаа. Бусад гишүүн ерөөсөө албаны унаа унадаггүй. Бүгд хувийн унаатай. Бүх зардлаа өөрөөсөө гаргадаг. Хуучин бол төсвөөс төлдөг байсан. Одоо гишүүд зөвхөн шатахууны төлбөр гэж таван төгрөг аваад тэрийгээ хувийн машиндаа хийгээд явж байгаа. Одоо хувийн том оврын автомашинаасаа татгалзах уу, үгүй юу гэдэг асуудал л яригдаж байгаа. Төрийн ордны хашаан дотор байгаа том автомашинууд дандаа хувийн машинууд байгаа. Албаны том тэрэг байхгүй гэдгийг хариуцлагатайгаар мэдэгдье” гэж хэлсэн. Тэгвэл УИХ-ын гишүүн Ж.Сүхбаатар “Утасны төлбөрөө төсвөөс хийдэг үү гэж асууж байна. Тийм зүйл байхгүй. Шатахууны төлбөр гэж сард 500 мянган төгрөг авдаг. Гишүүд нэг зөвлөх, нэг туслахтай. Нэгдүгээр сард хийсэн төвсийн тодотголоор гишүүдийн зардлыг 11 хувиар танасан шүү дээ" гэх тайлбарыг өгсөн.
Тэгэхээр УИХ-ын гишүүд өөрсдийнхөө том жийпнүүддээ сар бүр төсвөөс 500 мянган төгрөг авч бензин хийдэг юм байна. Д.Тогтохсүрэн гишүүнийхээр бол таван цаасаар бензин хийдэг байх нь. Энэ мөнгө ард түмний татварын мөнгө. Нэг гишүүн 500 мянган төгрөг юм бол 76 гишүүн сард 38 сая төгрөгийг улсаас авч машиндаа шатахуун хийдэг гэсэн үг. Жилд 456 сая төгрөг буюу хагас тэрбум төгрөгийг зөвхөн гишүүдийн шатахуунд зарцуулдаг байна. Энэ бол гишүүдийн нэр өөрчлөгдсөн ч цаашид тогтмол гарсаар байх зардал. Зөвхөн шатахууны мөнгөө улсаас авч байгаа гэж ундуйцах УИХ-ын гишүүн Д.Тогтохсүрэн, Ж.Сүхбаатар нар тус бүр жилдээ 6 сая төгрөгийн шатахууны мөнгийг улсаас буюу ард түмний татварын мөнгөнөөс авч байна. Нэг гишүүн 4 жилийн хугацаанд 288 сая буюу 300 орчим сая төгрөгийг зөвхөн шатахуунд цохуулж авдаг юм байна.
Гэтэл энэ их мөнгө биш Д.Тогтохсүрэн гишүүнийхээр бол таван цаас юм байх. Энэ таван цаас гээд байгаа 500 мянган төгрөгөөр монголын мянга мянган тэтгэвэрийн хөгшчүүл амь зууж байна. Гэтэл Ж.Сүхбаатар “Тэтгэвэрийн нэмэгдлийг төрийн хэмнэлтээр олгож байгаа” ухааны юм ярьсан. Өөрсдөө машиндаа ийм хэмжээний мөнгөөр бензин хийдэг хэрнээ хөгшчүүдийг наадахаараа амьдар, нэмчихээд байхад бараг гээд ундуйцаж суудаг та нар хэн бэ? Гэтэл нэг литр сүү 4500 төгрөг, нэг кг будаа 6000 төгрөгийн үнэтэй болчихоод байна шүү дээ. Энэ таван цаасаар монголын мянга мянган залуус амьдарч байна. 500 мянга цалингийн доод хэмжээ ч хүрэхгүй байна. Гэтэл гишүүд, тэр дундаа төрийн эрх барьж буй намын бүлгийн дарга нь ард түмнээ энэ мэт доромжилж суух нь хэр зүйд нийцэх вэ. Ийм ойлголттой хүн төр барилцаж байгаа гэхээр гаргаж буй шийдвэр, бодлого нь ямар байх нь ойлгомжой байх. Гишүүдийн хувьд таван цаас юм бол яагаад өөрсдийнхөө халааснаас гаргаж болохгүй гэж...?!
Д.ДАВААСҮРЭН
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Холбоотой мэдээ
Л.ОЮУН-ЭРДЭНЭ: Баялгийн сангийн хуулийг эсэргүүцсэн гишүүдий...
tentsver.mn | 17 цагийн өмнө
Хууль, эрх зүйн зөвлөгөө үнэ төлбөргүй өгнө
tentsver.mn | 17 цагийн өмнө
Хөрөнгийн үнэлгээний дүнг иргэдтэй зөвшилцөж эхэллээ
tentsver.mn | 18 цагийн өмнө
Нийтийн тээврийн салбарт Азийн хөгжлийн банктай хамтран ажил...
tentsver.mn | 18 цагийн өмнө
Сонгуулийн автомат систем, техник хэрэгслийг шалгах тагнуулы...
tentsver.mn | 20 цагийн өмнө
Сэлбэ дэд төв дэх гэр хорооллын хөрөнгийн үнэлгээ үргэлжилж...
tentsver.mn | 2024-04-16
БНСУ-д хууль бусаар оршин суугаа гадаад иргэдийг буцаах шалг...
tentsver.mn | 2024-04-16
Монголын 3х3 эрэгтэй, эмэгтэй багууд өнөөдөр тоглоно
tentsver.mn | 2024-04-12
Зайсан тойруугийн нэг чигийн хөдөлгөөнийг цуцлах асуудлаар с...
tentsver.mn | 2024-04-12
Гүйлтийн замаас 48сая вон олджээ
tentsver.mn | 2024-04-12
Бүгд Найрамдах Чех Улсын “Инекон” компанийн удирдлагыг хүлээ...
tentsver.mn | 2024-04-12
“Орхон” их сургуулиас 115 дугаар сургууль хүртэлх авто замын...
tentsver.mn | 2024-04-12
Булган, Дорнод аймагт гарсан хээрийн түймрийг бүрэн унтраажэ...
tentsver.mn | 2024-04-12
Согтууруулах ундааны тусгай зөвшөөрөл олгох эрхийг дүүргийн...
tentsver.mn | 2024-04-11
Х.НЯМБААТАР: БОАЖЯ-аас олгосон бүх газрыг нийслэлийн мэдэлд...
tentsver.mn | 2024-04-11
Азийн хөгжлийн банк Монгол Улсын эдийн засийг 2024 онд 4.1%-...
tentsver.mn | 2024-04-11
Яармагийг I хороололтой холбох авто зам, гүүрэн байгууламжий...
tentsver.mn | 2024-04-11