8911 6964
-5
Швед улсад галзуу хулгана тоглоом замаасаа гарч нэг хүн амиа алджээ
Швед улсын нийслэл Стокхольм хотын соёл амралтын хүрээлэнд галзуу хулгана тоглоом замаасаа гарч нэг хүн амиа алдаж, есөн хүн бэртжээ. Ослын үеэр уг тоглоомын цувааны зарим хэсэг замаасаа гарч, хүмүүс газарт шидэгдсэн тухай гэрчүүд ярьсан байна. Эмнэлэгт хүргэгдсэн хүмүүсийн гурвынх нь биеийн байдал хүнд байгааг Шведийн цагдаагийн газар мэдээлжээ. 140 жилийн түүхтэй Грона Лунд соёл амралтын хүрээлэнд цагдаа нар мөрдөн шалгах ажиллагаа явуулах тул хамгийн богинодоо долоо хоногийн хугацаанд хаагдахаар болсон байна. Ослын үеэр галзуу хулганаар нийт 14 хүн зорчиж байсныг хүрээлэнгийн захиргаа мэдэгджээ. Швед улсын соёлын сайд Париса Лилестранд осолтой холбогдуулан хохирогчдын ар гэрийнхэнд эмгэнэл илэрхийлжээ.
Эх сурвалж: Reuters
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
Холбоотой мэдээ
