Tentsver.mn

ҮЙЛ ЯВДАЛ: “Эзэн Чингис хаан урлагт” дүрслэх урлагийн үзэсгэлэн нээгдэнэ

Admin | 2022-11-10

Арваннэгдүгээр сарын 11-нд болох үйл явдлын тойм:

Нийслэлийн Хангарди ордонд

09:00 цагт "Улаанбаатар-2023” зүүн Азийн залуучуудын наадам зохион байгуулах хорооноос Монголын спортын хороодтой Хамтын ажиллагааны санамж бичиг байгуулна.

УНТЭ-ийн Хурлын танхимд

09:00-16:00 цагт УНТЭ - Хэрх, үе судлал, үе сэргээх төв, Монголын хэрх, үе, согог заслын нийгэмлэг хамтран Гэмтэл согог судлалын 24 дүгээр олон улсын эрдэм шинжилгээний хурал зохион байгуулна.

Блю скай зочид буудал "Даймонд" танхимд

10:00 цагт Улаанбаатар хот анх удаа Хотын стандарттай болж, өнгөрсөн аравдугаар сарын 1-нээс мөрдөж эхэлсэн. Үүнтэй холбогдуулан "Хотын стандартын нэгдсэн зөвлөгөөн"-ийг зохион байгуулна.

Төрийн ордонд

10:00 цагт УИХ-ын чуулганы нэгдсэн хуралдаан болно.

АШУҮИС-ийн төв байранд

09.00-17.00 цагт залуу эрдэмтэн, судлаачдын “Хүрэлтогоот-2022” эрдэм шинжилгээний хурал болно.

БХЯ-нд

11:00 цагт Батлан хамгаалахын төв архив таван төрлийн лавлагааг төрийн И-Монголиа системд нэвтрүүлж буй талаар мэдээлнэ.

Театрын музейд

11:00 цагт "Хүрэн халзан хуур” музейн сан хөмрөг болон өвлөн уламжлагч нарт хадгалагдаж буй хуурын үзэсгэлэн, “Алтай” хамтлагийн тоглолт болно.

“Тайж палас”-ын “Бодэса Арт” галерейд

11:40 цагт “Эзэн Чингис хаан урлагт” дүрслэх урлагийн үзэсгэлэн нээгдэнэ.

ШУТИС-д

14:00 цагт Монгол орны гидрогеологи, инженер геологи, геоэкологийн асуудлууд" сэдэвт эрдэм шинжилгээний 30 дугаар хурал болно.

ХӨСҮТ-д

12:00 цагт Ковидын шинэ хувилбарын эмнэлзүйн мэдээлэл, манай улсад хэвтэж эмчлүүлж буй хүмүүсийн эмнэлзүйн байдал, гэрээр эмчлэх зөвлөгөө, шинэ хувилбарын тархалт, томуу болон ковидын вакцинжуулалтын талаар мэдээлэл өгнө.